پاکستان هند د بلوچستان د بریدونو مسؤله وبلله
د پاکستان د کورنیو چارو وزیر اعلان کړی چې د بلوچستان په ایالت کې پرون شوي خونړي بریدونه د هند په لاس ترسره شوي دي. تر اوسه د دې ادعا په اړه د دهلي نوي له لوري هېڅ رسمي غبرګون نه دی څرګند شوی.
د پاکستاني چارواکو په وینا، په دغو بریدونو کې چې د بلوڅو جلا غوښتونکو ډلو ته منسوب دي، لږ تر لږه ۱۵ پاکستاني سرتېري وژل شوي دي. دا پېښه د دغه ناارام ایالت له مرګبارو بریدونو څخه یوه بلل شوې ده.
په عین وخت کې، د پاکستاني رسنیو د راپورونو له مخې، د نښتو پر مهال ۹۲ تنه بلوڅان چې هغوی ته «جګړه ماران» ویل شوي، وژل شوي دي. د دغو کسانو د هویت او رول په اړه لا ډېر جزئیات روښانه شوي نه دي.
بلوچستان چې د پاکستان په سوېل لویدیځ کې موقعیت لري، له کلونو راهیسې د دولتي ځواکونو او سیمه ییزو وسله والو ډلو ترمنځ د امنیتي کړکېچونو او جګړو شاهد پاتې شوی. دا موضوع همېشه په سیمه ییزه کچه جدي اندېښنې راپارولې دي.
